Accessibility links

Breaking News

Sena Ameriken an ap Konsidere 2 Plan Refòm nan Sistèm Imigrasyon an


Imigran kap manifeste pou yo mande Kongrè a apwouve yon lwa ki legalize stati yo Ozetazini. (Foto: Dosye).
Nan Washington, aprè sena ameriken an fin pase tout yon semèn ap fè deba sou refòm ban sistem imigrasyon an, manm Gran Kò a byen kapab vote pi ta nan jounen jedi a sou 2 pwopozisyon diferan sou kesyon pou konnen kijan otorite ameriken yo dwe jere dosye moun kap antre pou lapremyè fwa nan peyi a.
Byen ta mèkredi, yon komisyon miks 16 manm, ki te genyen ladan n senatè demokrat ak repibliken, te bay detay sou yon plan ki ta kapab ouvè pòt sitwayènte a pou plizyè milye jenn imigran ki te antre ilegalman Ozetazini ak paran yo pandan yo te piti toujou. Menm plan an prevwa yon depans 25 milya dola pou konstriksyon yon mi Prezidan Trump vle bati sou fwontyè amerikano-meksiken an.
Demokrat yo, bò kote pa yo, pwopoze yon plan ki ofri yon asistans finansye limite pou konstriksyon miray la sou fwontyè sid Lèzetazini an. Obsèvatè yo prevwa okenn nan 2 plan yo pa pral jwenn 3/5 vòt ki nesesè pou l pase nan Sena a.
Manm tou lè 2 pati yo di Lavwadlamerik yo konsidere plan komisyon miks la prepare a kòm pi bèl espwa pou refòm fèt nan sistèm imigrasyon an, menmsi yo pa konnen si li pral pase nan Chanm Depite a, ni si Prezidan Trump pral siyen li si li rive sou biwo li.
XS
SM
MD
LG