Accessibility links

Etazini: Eta Dijans Pou pi Fò Eta ke Siklòn Irèn Frape

  • VOA Nouvèl

Prezidan ameriken an Barack Obama, Janet Napolitano ak Craig Fugate

Prezidan Barack Obama deklare eta dijans pou pi fò eta ke siklòn Irèn frape pandan wikenn nan, pami yo Kawolin di Nò, Vijini ak Nouyòk. Irèn ki pa yon siklòn toujou gen van k ap soufle a 85 kilomèt alè.

Li pran direksyon Kanada depi byen bonè lendi 29 out 2011 la kote li lage 20 santimèt lapli pandan li t ap travèse Nova Scotia ak New Brunswick. Prezidan Obama di siklòn nan poko fini. Gen gwo inondasyon ki ka frape rejyon Nòdès Etazini. Prezidan Obama di se lè pou konsidere dega yo e pote reparasyon.

Prezidan ameriken an Barack Obama deklare sou dega siklòn Irèn ki frappe plizyè eta sou kòt ès Etazini: "Nou pral chèche gen garanti ke teknisyen yo genyen tout asistans ke yo bezwen pandan y ap kòmanse repare dega siklòn nan kite dèyè. E sa ap kontinye nan jou k ap vini la yo. Sa pral pran tan pou repare tout dega yon siklòn ki te gen pwisans sa a e moun toujou ap santi konsekans li nan anpil lòt kote nan peyi a."

Irèn pran lavi 18 moun e paralize trafik atè ak trafik aeryen sou kot ès peyi a . Prensipal aewopò ki nan zòn Nouyòk yo kapab re-ouvè e pi fò stasyon nan sistèm tren yo k ap rekòmanse fonksyone.

XS
SM
MD
LG