Accessibility links

Gouvènman Kanadyen an Ouvè 11 Sant Debèjeman pou Akeyi Flo Imigran ki Soti Etazini yo

  • Ekip Sèvis Kreyòl VOA

Yon jèn refijye ki soti Angola (agoch) ansanm ak yon zanmi l ap chache papa li nan Stad Olempik Monreyal la ki se youn nan lojman tanporè otorite kanadyèn yo chwazi pou mete imigran ki soti Etazini yo. Monreyal Kebèk, Kanada 7 out 2017.

Leta Kanadyen anonse yap chache travayè pou asiste imigran k ap debake sou fwontyè peyi a pataje ak Etazini nan zòn Kebèk, Monreyal.

Otorite kanadyèn yo louvri madi 8 out 2017 la 2 nouvo sant debèjeman pou mete total la ak 11 sant pami yo, stad olenmpik Monreyal la ann atandan yo analize demand azil plizyè milye imigran ki travèse fwontyè Etazini pou vin mande refij nan peyi a.

Reprezantan Jounal Le National nan Monreyal, Herwill Gaspard, di Lavwadlamerik presyon ap fèt sou gouvènman federal la pou l revize politik sou fason li akeyi flo rejije yo.

Yon ofisye nan Polis Wayal Monte Kanada a ( RCMP) kap anonse yon gwoup imigran kap chache azil nan Kanada pou yo idantifye yo si kòm yo soti Ayiti e ke yo ap travèse ilegalman fwontyè Etazini ak Kanada nan zòn Champlain, New York. 7 out 2017.
Yon ofisye nan Polis Wayal Monte Kanada a ( RCMP) kap anonse yon gwoup imigran kap chache azil nan Kanada pou yo idantifye yo si kòm yo soti Ayiti e ke yo ap travèse ilegalman fwontyè Etazini ak Kanada nan zòn Champlain, New York. 7 out 2017.

Plizyè analis nan domèn imigrasyon mande moun kap chache azil o Kanada pou pa kouri kite Etazini si yo pa gen garanti yo ranpli kondisyon pou sa. Pami moun kap kouri kite Etazini pou al mande azil o Kanada 90 pousan se ayisyen ki gen Estati Pwoteksyon Tanporè a (TPS)imigrasyon ameriken te ba yo e kap ekspire an janvye 2018. Imigran sa yo pa gen garanti gouvènman ameriken an ap renouvle pwogram lan pou yo lè li va rive nan bout li.

Antretan gouvènman Kanadyen an ap chache moun pou travay nan dwann LaColle la pou ede pote malèt ak distribye manje bay imigran sa yo.

XS
SM
MD
LG