Kenson Lafortune, yon jen gasoin 26 zan pèdi lavi li anba bal zam polisye Sterling Hall alias Sans Sousi. Ensidan sa a rive nan zòn Gomye, 4èm seksyon kominal Roseau nan Grand’ Anse.
Komisè gouvènman Jeremi an, Mèt Bergemane Sylvain konfime nouvèl la kote li di otorite yo mete polisye akize a ann izolman apre zak la.
Yon lòt kote, chèf pakè a fè konnen tou lajisitis mete men sou James Pierre alyas Wilson pou enplikasyon li nan asasinay 2 polisye nan zòn Delmas 19 nan Pòtoprens nan mwa oktòb 2017 pase a.