Accessibility links

Breaking News

Ayiti: Otorite yo Anile Ogmantasyon Pri Gaz la Ki Lakoz Gwo Dezod nan Potoprens


Barikad ak kawotchou kap boule nan Petyon Vil, Potoprens Ayiti, 6 jiyè 2018

Dapre sa korespondan Lavwadlamerik nan potoprens Florence Lisene rapote, Minis kominikasyon Guy Delva konfime nouvèl kote gouvènman an elimine ogmantasyon li te mete sou pri gaz la jiska nouvèl od.

Men nan apre midi vandredi 6 jiyè 2018 la apre anons ogmantasyon pri gaz la, yon seri manifestasyon vyolan te komanse dewoule nan kapital la kawotchou te komanse boule, woch tap tire ak kout zam rive samdi 7 jiyè 2018 la.

Nan zon Delma 32, nan Potoprens, manifestan ki ankolè kont ogmantasyon pri gaz la ta mete dife nan makèt DeliMart. manifestan yo mete dife nan parking hôtel Oasis la ak tout yon mezon lokasyon machin ki anfas otèl la.

Yon jounalis Associated Press rapote sa li wè kote manifestan yo touye yon gad di ko yon ansyen kandida lè li te desann machin nan pou l dispèse manifestan yo. Pandan chofè machin nan tap eseye franhi barikad la, ajan gad di ko a pat rive chape lè bal li te fini. Kidonk, manifestan yo plonjje sou li, bat li, jiskaske yo touye l ep mete dife sou li. Prezidan Chanm Depite a Gary Bodeau bo kote pal voye yon pinga pay gouvènman an pou mande l tounen sou desizyon l.

Sou kont Twitter Premye minis Jack Guy Lafontant an moun te kapab li mesaj kote chèf gouvènman an di li kondane vyolans yo epi fè konnen yo anile desizyon pou ogmante pri gaz la.

XS
SM
MD
LG