692 polisye, pami yo 188 fi prete sèman pou entegre polis nasyonal la mèkredi 19 septanm 2018 la. Nan diskou sikonstans direktè polis nasyonal la, Michael Gedeon chante lwanj pou popilasyon komin site Solèy la ki mete ansanm ak PNH nan jefò kap fèt pou tabli lapè nan komin yo.
DGPNH la mande popilasyon lòt katye ki anba kontwòl moun otorite yo idantifye kòm bandi, pou travay ak polis nasyonal la pou kwape eleman move je sa yo nan katye yo.
Prezidan Jovenel Moise bò kote pal mande nouvo gradye yo pou yo travay ansanm pou konbat ensekirite k ap pran jarèt non sèlman nan kapital la men tou nan plizyè vil pwovens.