Accessibility links

Breaking News

Ayiti-Kowoperasyon: Leta Anvizaje Revoke Pèmi Oganizasyon Charite Oxfam


Siy Oxfam sou yon mi yon plas kote òganizasyon an konn distribye dlo potab bay moun nan Koray, apre tranblemandtè 12 janvye a nan Pòtoprens. Foto: REUTERS/Andres Martinez Casares,17 fevriye 2018.

Ayiti kapab pran desizyon pou l entedi òganizasyon non-gouvènmantal Oxform fonksyone nan peyi a akoz zak imoral kèk kowoperan ONG sa a ta komèt nan peyi a apre tranblemandtè 12 janvye 2010 la.

Akizasyon sa a tonbe sou do responsab OXform nan ann Ayiti, Roland van Hauwermeiren,

ki ta fè lokal ONG a tounen yon kafe jamè dodo. Lòt enfòmasyon fè kwè kèk manm òganizasyon sa a te anba menm akizasyon sa a nan peyi Chad, ann Afrik, nan ane 2006.

Minis Planifikasyon ak Kowoperasyon Ekstèn ayisyen an, Aviol Fleurant, deklare sou chèn televizyon ameriken CNN. “ Si enfòmasyon kap sikile yo ta vre, nou pap ezite revoke otorizasyon Oxfam genyen pou l mennen aktivite nan peyi Dayiti.”

Oxfam, yon ONG ki gen baz li nan La Grann Bretayn, riske pèdi 44 milyon dola asistans li konn jwenn nan men gouvenman britanik la. Òganizasyon an aksepte sispann soumèt demand pou asistans jiskaske li pwouve li te respekte tout règleman kont abi sekzyèl ak ekplwatasyon moun nan peyi kote manm li yo ap pote asistans.

XS
SM
MD
LG