Accessibility links

Selebrasyon 'Anivèsè Batistè Peyi Dayiti,' Mons. Kesnel Alphonse Lanse yon Apèl pou Inite

  • Ekip Sèvis Kreyòl VOA

Monseyè Kesnel Alphonse fè yon apèl pou linite yon fason pou Fòlibète kapab tounen yon lye memwa ak istwa tout bon vre. Foto: Jaudelet Jr. St.Vil, Fòlibète, Ayiti, 29 novanm 2017.

Yon mès pou "di Bondye mèsi," chante nan Katedral Sen Jozèf la mèkredi 29 Novanm 2017 la nan kad seremoni anivèsè 214 zan redaksyon ak endepandans peyi Dayiti a ki te ekri ant dat 28 - 29 novanm 1803 na Fòlibète.

Selebran prensipal la, Monseyè Kesnel Alphonse mete aksan sou jefò li di tout pitit depatman an, ansanm ak otorite yo dwe fè pou kapab fè vil Fòlibète tounen yon lye memwa ak istwa tout bon vre. Plizè otorite lokal, lapolis ak elèv lekòl te prezan nan mès remèsiman sa a.

Otorite sivil ak elèv nan Fòlibète ki tap patisipe nan seremoni pou make anivèse batistè peyi Dayiti a zansèt yo te ekri nan vil Fòlibète 29 novanm 1803.
Otorite sivil ak elèv nan Fòlibète ki tap patisipe nan seremoni pou make anivèse batistè peyi Dayiti a zansèt yo te ekri nan vil Fòlibète 29 novanm 1803.

Yon lòt kote, Sou inisyativ Promo Kreyòl, yon fwa atizanal te dewoule nan Fò Sen Jozèf la, yon sit touristik, ki nan vil Fòlibète ki raple lye ansyen jenero lame endijèn yo te reyini pou te ekri batistè peyi Dayiti a, avan yo tal pwoklame l ofisyèlman nan vil Gonayiv. Plizyè milye moun patisipe nan fwa atizanal sa ki te kòmanse depi lendi 27novanm pou bout nan mèkredi 29 novanm 2017 la.

XS
SM
MD
LG