Seleksyon Football Ayisyèn mwen de 20 tan ki sot jwenn kalifikasyonl pou koup dimond an Frans la ebyen pandan yo tap soti nan peyi Trinidad fè yon ti kanpe nan Miami lendi 29 janvye 2018 la avan yo pran avyon pou Ayiti.
Korespondan Lavwadlamerik Pierre Nazon Baulière rapòte, se avèk anpil kè kontan, anpil aplodisman plizye dizènn mounn te vin resevwa ti medam seleksyon yo nan Randy's Restaurant an ki nan North Miami.
Nerilia Mondesir ak Sherly Jeudi, 2 jwèz ki te make goal pou ekip nasyonal la pat nan delegasyon an ki rive Miami a paske yo retounen al jwenn klèb yo nan peyi Lafrans.
Jenn Medam seleksyon ayisyèn yo te akonpaye ak staff sipò sikolojik e teknik an palan de Aldride Joseph ak Prezidan Federasyon an, Dr Yves Jean Bart.