Accessibility links

Ayiti: Apèl pou yon Chita Pale ant Pouvwa an Plas la ak Opozisyon an

  • Ekip Sèvis Kreyòl VOA

Timoun kap jwe boul nan Pòtoprens nan mitan yon ri ki toujou chaje ak machin. Men jou 18 septanm 2017 la ri sa te vid akoz grèv jeneral sendika transpò an komen yo te lanse.

Konsonsyòm Nasyonal Pati Politik Ayisyen, branch Plato Santral, plede pou Prezidan Jovenel Moise ak lidè politik nan gwoup opozisyon an chita pale ansanm pou negosye e jwenn yon altenativ pou retire Ayiti nan kriz politik, ekonomik lap travèse a.

Edouard Ambroise, responsab kosonsyòm nan rejyon Plato Santral la e manm kowòdinasyon nasyonal pati politik yo di li kwè pèp la fin remèt pouvwa ak yon gwoup eli pou deside nan non li. Mesye Ambroise enimere pou l di peyi a genyen grangou, mizè ki tabli nan anpil fanmi. Nan sans sa a, liestime meyè solisyon an, fòk Prezidan Moise ta marye pwogram karavann lan avèk kredi agrikòl yon fason pou ede peyizan yo jwenn lajan prete pou yo kapab travay latè pi byen. Sepandan, lidè politik Plato Sentral la di li rekonèt dwa opozisyon an genyen poul manifeste men sa ta dwe fèt sans vyolans.

Paralèlman nan Pòtoprens, plizyè dizèn patizan opozisyon an manifeste madi 2 novanm 2017 la kont gouvènman Moise/Lafontant an nan moman responsab pati politik Platfòm Pitit Desalin nan, ansyen kandidan alaprezidans e ansyen senate Nò, Moise Jean Charles, tap kite peyi a pou lal pran swen nan Kiba.

Semèn pase a, Mesye Moise te ale lopital apre yon atak “stroke mineur.”Nan yon nòt pou laprès avan li te kite peyi a, lidè politik Platfòm Pitit Desalin nan remèsye tout militan ak tout moun pou sipò yo san li pat mansyone Prezidan Jovenel Moise, ki li menm tou nan nan yon tweet vandredi 27 oktòb 2017 la, te swete bon retablisman a lidè opozisyon an Moise Jean-Charles ki tap resevwa swen nan yon lopital nan kapital la apre stroke Mineur.

Korespondan Lavwadlamerik nan Mirbalais Christophe Collegue ak Yves Manuel nan Pòtoprens kontribye nan redaksyon atik sa a.

XS
SM
MD
LG