Accessibility links

Ayiti: Anpil Sitwayen Ap Mache Prese pou Vin Fè Paspò nan DGI Avan Aplikasyon Nouvo Bidjè a

  • Ekip Sèvis Kreyòl VOA

Depi 2 semèn, se gwo bourara nan Direksyon Jeneral Enpo, DGI, sitou nan Pòtoprens, devan santral administrasyon leta sa a ki responsab pou fè paspò ak kat didantite pou sitwayen ayisyen yo atravè peyi a.

Se nan biwo DGI a tou sitwayen yo peye lòt kontribisyon oubyen redevans yo genyen anvè leta ayisyen. Nan moman dat pou bidjè 2017-2018 antre ann aplikasyon prèske rive nan bout li, plizyè moun debake nan DGI pou vin fè paspò yo yon fason pou evite peye frè paspò pri nouvo bidjè a ki 2 fwa lavalè menm kan paspò a, dapre Prezidan Jovenel Moise, se ap pou 10 zan olye de 5 kan.

Sitiyasyon bourara pou vin fè paspò a lakoz anpil pale anpil ant ajan sekirite ak kontribiyab yo. Paralèlman, si gen dwa kap toujou valid aprè rantre ane fiskal lan premye oktòb 2017 kap vini an, dapre kèk obsèvatè mache prese sa a pap sèvi anyen.

XS
SM
MD
LG