Accessibility links

Breaking News

Ayiti: Prezidan Jovenel Moise Pran yon Dekrè Ki Retabli Enstitisyon Lame a


Jovenel Moise pandan li tap prete sèman kòm prezidan Dayiti 7 fevriye 2017. (Foto: REUTERS/Andres Martinez Casares)
Jovenel Moise pandan li tap prete sèman kòm prezidan Dayiti 7 fevriye 2017. (Foto: REUTERS/Andres Martinez Casares)

Prezidan ayisyen an, Jovenel Moise, pibliye yon dekrè pou remobilize lame Dayiti rejim Lavalas la te demantle nan mitan ane 90 yo. Nan arete a, chèf deta a nonmen yon wo kòmandman enterimè ak 6 manm k ap gen pou fè tout sa ki nesesè pou mete lame a sou pye.

Yon manm fòs nouvo lame Dayiti kap bay sòlda parèy li lamen nan yon reyinyon nan yon ansyen baz Nasyon Zini nan Gressier, Ayiti, 11 avril 2017.
Yon manm fòs nouvo lame Dayiti kap bay sòlda parèy li lamen nan yon reyinyon nan yon ansyen baz Nasyon Zini nan Gressier, Ayiti, 11 avril 2017.

​Lame tou nèf la gen pou l patisipe nan yon parad militè ansanm ak manm Polis Nasyonal Dayiti (PNH) samdi 18 novanm 2017 la nan vil Kap-Ayisyen pou make 214èm anivèsè Batay Vètyè a -swa dènye konba ki te debouche sou endepandans peyi a.Premye Minis la, Jacques Guy Lafontant, ak Minis Defans la, Hervé Denis, ap gen pou evalye chak 3 mwa travay kòmandman enterimè lame a.

6 manm kòmandman enterimè a divize konsa: yon kòmandan an chèf enterimè, yon asistan kòmandan an chèf enterimè, yon eta-majò jeneral enterimè, yon enspektè jeneral enterimè, yon adjidan jeneral enterimè ak yon eta-majò pèsonèl enterimè pou kòmandan an chèf enterimè a.

Anons sa a fèt malgre kèk peyi --pami yo Etazini- di Ayiti pa bezwen yon lame, men pito yon fòs polis nasyonal pwofesyonèl. https://www.voanouvel.com/a/4119259.html

XS
SM
MD
LG