Nouvèl ki soti nan vil Miami, Eta Florid, fè konnen senatè eli ayisyen, Guy Philippe, ki te nan prizon isit Ozetazini sou akizasyon dèske li te mele nan blanchiman lajan, konparèt mèkredi 21 jen 2017 la nan maten devan jij natirèl li pou l te konnen santans li. Dapre dènye enfòmasyo yo, Guy Philippe kondane pou l pase 9 van nan prizon federal isit Ozetazini.
Lapolis ayisyèn te arete Guy Philippe 5 janvye 2017 nan Pòtoprens ak yon manda entènasyonal e remèt li bay ajan DEA yo ki nan menm jou a te mete li nan yon avyon epi mennen li vin jije Ozetazini.
Guy Philippe tap fè-fas ak akizasyon trafik dwòg ak konplo pou voye kokayin Ozetazini, dapre Administrasyon anti-dwòg Ameriken an DEA. Sepandan, Misye Phillipe te toujou di li inosan e li te fè konprann se fo akizasyon enmi politik li yo mete sou do li.
Detay avèk kolaboratè Lavwadlamerik Pierre-Nazon Bealière ki te asiste seyans lan kote jij la tap anonse desizyon final li sou ka Guy Philippe la.
