Accessibility links

Fòs Sekirite Gouvènmantal yo Kontinye Koze Laperèz nan Siri

  • VOA Nouvèl

Fòs Sekirite Gouvènmantal yo Kontinye Koze Laperèz nan Siri

Militan dwazimen nan Siri fè konnen fòs sekirite gouvènmantal touye 6 moun, apre yo te finn pote boure nan kèk zòn sou teritwa siryen an, nan kad yon nouvo operasyon sere boulon kont disidan politik nan peyi a. Obsèvatwa siryen pou dwa moun nan di ajan sekirite komèt zak ki fè plis san koule nan rejyon Sarameen, pwovens Idlib, ki nan pati nò Siri.

Gwoup dwazimen an di fòs sekirite touye 5 moun e blese omwen 60 lòt anba kout zam pandan yon operasyon fouy ak arestasyon ki te dewoule lotbò a. Yo touye yon lòt moun tou pandan yon desant-de-lye nan Qara, ki se yon banlye kapital la, Damas.

Obsèvatwa siryen-an rapòte tou lòt ensidan ki dewoule nan menm sans la nan vilaj Heet, ki tou pre fwontyè Siri partaje ak Liban an. Yo di tou fòs sekirite gouvènmantal ansèkle vilaj Rastan, ki nan sant peyi a, e kote plizyè manifestasyon te fèt pou egzije demisyon prezidan siryen an, Bashar Al-Assad.

XS
SM
MD
LG