Accessibility links

Breaking News

Etazini Politik : Eleksyon Primè ap Dewoule Madi nan Alabama ak Mississippi


Ozetazini --pi presizeman nan 2 eta ki nan pati sid peyi a, Alabama ak Mississippi-- elektè repibliken yo ap jete bilten madi 13 mas 2012 la nan eleksyon primè pou yo chwazi kandida ki pou reprezante pati yo a devan Prezidan Barack Obama, kandida Pati Demokrat la, nan eleksyon prezidansyèl ki pral dewoule nan mwa novanm ane sa a. Dènye sondaj dopinyon yo montre 3 prensipal kandida repibliken yo (ansyen Gouvènè Eta Massachusetts, Mitt Romney; ansyen Senatè Eta Pennsylvani, Rick Santorum; ak ansyen prezidan Chanm dè Reprezantan an, Newt Gingritch), yo preske a egalite nan entansyon vòt yo. 4èm. kandida repibliken an, Depite Ron Paul, poko ranpòte okenn eleksyon primè ni asanble elektoral jiskaprezan. Sondaj yo montre se sèlman mwens ke 10 pou san elektè ki apiye li nan 2 eta k ap òganize primè nan nan jounen madi 13 mas la, an palan de Alabama ak Mississippi.

XS
SM
MD
LG