Accessibility links

Etazini-Pakistan : Lanmò Osama bin Laden Toujou nan Aktyalite a

  • VOA Nouvèl

Anbasadè pakistanè a nan Nasyonzini, Hussain Haqqani

Anbasadè pakistanè a nan Nasyonzini, Hussain Haqqani, defann desizyon gouvènman peyi li pran pou l poze arestasyon plis pase 30 moun nan kad ankèt otorite yo ap mennen sou rezidans Osama bin Laden te genyen nan vil Abbottabad, nan nò peyi a, kote ou jwenn yon gwo ganizon lame pakistanèz la.

Misye Haqqani ki t ap bay chèn televizyon amerikèn ABC yon entèvyou dimanch 20 jen 2011 la, deklare lapolis poze arestasyon moun sa yo nan kad efò Pakistan ap fè pou l chache konnen kisa ki te rive egzatteman.

Li ajoute anketè pakistanè yo pral boule ak chakenn nan prevni yo daprè enfòmasyon yo resevwa.

Diplomat la kontinye pou l di moun ta twonpe yo si yo panse gouvènman pakistanè a ap chache pini moun ki te bay Lèzetazini enfòmasyon ki te pèmèt lame amerikèn nan konnen ki kote Bin Laden te kache.

Misye Haqqani fè referans a yon atik ki te parèt nan jounal ameriken New York Times e ki fè konnen Pakistan arete 5 sitwayen peyi a ki te travay kòm moun ki t ap «siveye, rapòte » pou Lèzetazini nan afè bin Laden nan –pami moun sa yo genyen yon majò nan lame pakistanèz la ki, daprè nouvèl yo, te bay ameriken enfòmasyon sekrè ki te pèmèt yon kòmando delit lame Lèzetazini touye lidè al-Kaida a nan dat 2 me pase a.

XS
SM
MD
LG