Lèzetazini, Japon ak Ostrali di yo gen kè-sote sou mezantant ki makonen ak lanmè meridyonal Lachin nan, e yo lanse yon apèl pou mete fen nan reklamasyon teren ak aksyon militè kap dewoule nan rejyon an, paske sa byen kapab ogmante tansyon epi kreye kèk dega anviwonmantal nan rejyon an.
3 peyi yo pibliye yon kominike konjwen apre sekretè deta ameriken an, Rex Tillerson, minis afè etranjè ostralyen an, Julie Bishop, e minis afè etranjè Japon an, Taro Kono, te rankontre nan koulis fowòm ekonomik Azi Sidès la kap dewoule nan vil Maniy, kapital Filipin.
3 chèf diplomasi yo mande pou Lachinn ak Filipin respekte desizyon yon tribinal arbitaj te deja emèt sou kesyon an ane pase.