Peyi Etazini pare pou l mete entèdiksyon pou anpeche sitwayen ameriken vwayaje nan direksyon Kore di Nò akoz risk pou otorite nò koreyen yo poze arestasyon yo epi mete yo nan prizon pou lontan, dapre sa depatman deta a fè konnen vandredi 21 jiyè 2017 la.
Entèdiksyon sa a entèvni apre avètisman otorite amerikèn yo te deja lanse nan dat 9 me pase a pou okenn sitwayen yo pa pran wout nasyon azyatik la. Pòtpawòl Depatman Deta a, Heather Nauert, pibliye yon kominike poul di:
"Sekretè deta a otorize restriksyon vwayaj nan zòn jewograpik sa a pou tout sitwayen ameriken kap itilize yon paspò pou antre sou teritwa Kore di Nò a. Desizyon sa a tonbe apre lanmò etidyan ameriken Otto Wambier ki te desede apre li te finn tonbe nan koma nan yon prizon nò koreyen.