Accessibility links

Breaking News

Etazini-Eleksyon: Madi 3 Mas la Gen Anpil Enpòtans pou Primè Demokrat yo


Yon biwo vòt nan Laredo, Texas, Etazini. 3 mas 2020. Foto: REUTERS/Veronica Cardenas - RC2ECF9V10VP

Elektè ameriken nan 14 eta ap vote madi 3 mas la pou eli kandida yo ta renmen reprezante pati Demokrat la nan eleksyon prezidansyèl novanm 2020 an.

Gen anviwon yon tyè nan delege yo ki pral separe ant kandida yo e sanble nempòt moun ka ranpòte la viktwa jodi madi a pami yo, viktwa ki gen plis delege yo ki se eta Kalifoni ak plis pase 480 delege. Eleksyon primè "Super Madi a" bay prosesis nominasyon an yon ton nasyonal kote elektè nan pati Lwès, Sid, Nodès ak midwès ap vote nan menm jounen madi a ansanm Samoa ki se yon teritwa ameriken aletranje.

Senatè eta Vermont an, Bernie Sanders, ap mennen nan kous la jiskaprezan ak 58 delege devan ansyen vis-prezidan Joe Biden ki gen 50 delege.
Eta k ap vote yo se Karolin di Nò, Tegzas, Massachussetts, Alabama, Arkansas, Kalifòni, Kolorado, Maine, Oklahoma, Tenneessee, Utah, Vermont, Vijini ak zile Samoa yo. Milyadè Michael Bloomberg ap sibi premye tès li nan eleksyon primè sa yo.

XS
SM
MD
LG