Accessibility links

Breaking News

Etazini ap Agrandi Kalifikasyon Ayisyen pou Pwogram k ap Pwoteje yo Kont Depòtasyon - Reuters


Responsab Depatman Sekirite Tèritoryal Etazini an Alejandro Mayorkas

Reuters

Responsab Depatman Sekirite Tèritoryal Etazini an deklare samdi pase a Etazini ap Pèmèt Ayisyen ki ozetazini yo kalifye pou yon pwogram imanitè k ap ba yo soulajman kont depòtasyon e k ap bay imigran Ayisyen yo otorizasyon pou yo travay ozetazini nan moman yo pat kapab retounen nan peyi yo .

Nouvo pwogram Estati Pwoteksyon Tanporè a (TPS) pral kouvri yon estimasyon 150 mil Ayisyen ki deja ap viv ozetazini, daprè deklarasyon Senatè democrat Bob Menendez. Senatè Menendez fè deklarasyon sa a nan yon not li pibliye e ki felisite administrasyon Biden nan pou desizyon li pran pou bay Ayisyen ki ozetazini yo TPS.

Chèf Depatman Sekirite Tèritoryal Etazini an Alejandro Mayorkas di, nap site:

“Apre yon konsiderasyon ak anpil atansyon, nou te detèmine ke nou dwe fè sa nou kapab pou pote sipò nou bay sitwayen ayisyen ki Ozetazini yo jiskaske sitiyasyon yo amelyore ann Ayiti pou yo ka retounen lakay yo san danje.” Responsab Depatman Sekirite Tèritoryal Etazini an Alejandro Mayorkas ajoute “moun nan peyi d Ayiti gen enkyetid pou sekirite yo, se yon peyi kote abi dwa moun ap ogmante, epi genyen gro povrete ak mank resous de baz yo.”

Msye Mayorkas lanse yon pinga bay Ayisyen k ap chèche antre Ozetazini nan move kondisyon. Li ensiste pou di ke Ayisyen ki rive Ozetazini aprè dat 21 Me 2021 an p ap elijib pou TPS e yo kapab fè-fas ak depòtasyon.

XS
SM
MD
LG