Pi gwo diplomat ameriken an, an palan de Sekretè Deta Hillary Clinton, fè konnen mouvman leve-kanpe ak seri pwotestasyon k ap dewoule depi kèk tan deja nan Mwayen Oryan an se yon sign ki montre rejyon sa a: “genyen devan n la a yon gwo chans pou l fè chanjman dirab”.
Se poutèt sa, daprè Madanm Clinton, administrasyon Prezidan Barack Obama a ap chanje apwòch li vizavi rejyon an, pou l santre atansyon n plis sou sitwayen yo e mwens sou gouvènman yo.
Sepandan, chèf diplomasi amerikèn an di: "fason Lèzetazini ap reyaji devan mouvman k ap reklame demokrasi nan Mwayen Oryan an, pral varye daprè sikonstans ki prezante nan chak peyi."
Li ajoute: ”Gen plizyè dizèn domèn kote pratik, teknik, ak taktik Lèzetazini pap chanje nan rejyon an, tankou lit kont rezo teworis Al-kaida-a ak fason Washington ap fè fas ak menas ke peyi Iran poze”