Yon responsab nan Pati INITE ki sou pouvwa a anonse mèkredi 26 janvye 2011 la kandida pati a nan eleksyon prezidansyèl yo, Jude Célestin, pare pou l pran desizyon pou l kite kous la.
Senatè Kelly Bastien, ki pale ak Lavwadlamerik, fè konnen Kowòdinayon Pati a deja pale klè pou l di misye Celstin ta dwe "fè retrè" kandidati li dapre sa ki di nan fen yon rankont 2 jou alatèt INITE yo te òganize sou kesyon an.
Sepandan, nan yon entèvyou prezidan KEP a (Konsèy Eektoral Pwovizwa a), Gaillot Dorsinvil, bay VOA byen ta mèkredi, li di biwo li potko resevwa okenn enfòmasyon ofisyèl sou dosye a nan men prensipal konsène a, misye Célestin. Kidonk, se yon dosye ki rete ouvè toujou.