Accessibility links

Breaking News

Endonezi: Lese Frape Mòtèl ant Fòs de Lòd yo ak Sipòtè Ansyen Jeneral Lame a, Prabowo Subianto


Manifestan nan Endonezi. Jakarta, Endonezi, mèkredi 22 me 2019.

Prezidan Endonezi a Joko Widodo deklare li pap tolere pèson vin deraye pwosesis demokratik peyi a apre lese frape mòtèl ant fòs de lòd yo ak sipòtè ansyen jeneral lame peyi a Prabowo Subianto k ap konteste rezilta eleksyon yo.

Gouvènè Jakarta a deklare 6 moun mouri pou pipiti jounen mèkredi 22 me 2019 la pandan lese frape a. Manifestan yo te refize deplase malgre fòs de lòd yo te eseye konvenk yo pou evite deblozay pandan mwa Ramadan an.

Manifestan yo menm mete dife nan dòtwa ak machin polisye yo. La polis te itilize gaz lakrimojèn pou gaye manifestan yo pandan yo arete plizyè douzèn lòt.

XS
SM
MD
LG