Accessibility links

Ekspè L’OEA ap Kòmanse Verifikasyon Rezilta Eleksyon Yo Lendi 27 Desanm 2010 La

  • J. Lyonel Desmarattes

Ekspè L’OEA ap Kòmanse Verifikasyon Rezilta Eleksyon Yo Lendi 27 Desanm 2010 La

Trèv moun te obsève sou sèn politik ayisyen an anvan Fèt Nwèl la –kote lespri tout moun te sispann branche sou afè politik, eleksyon ak pwotestasyon piblik- ebyen, poz sa a byen kapab pran fen lendi 27 desanm 2010 la, dat kote yon ekip espesyalis OEA (Òganizasyon Eta Ameriken) sipoze kòmanse bay Konsèy Elektoral Pwovizwa a asistans li pou yon re-verifikasyon rezilta eleksyon 28 novanm nan.

Peyi a te tonbe nan vyolans nan dat 8 desanm pase a, yon jou apre KEP a te elimine Michel Martelly (kandida Repons Peyizan) ki pa ta ka patisipe nan 2èm tou a, kote kandida ki ranpòte premye plas la, Mirlande Manigat (RDNP), t ap genyen pou fè fas ak kandida pati ofisyèl la, Jude Célestin (Pati INITE). Semèn pase a, sou demand OEA, Prezidan René Préval te lanse apèl bay KEP pou mande l ranvwaye piblikasyon rezilta final yo.

XS
SM
MD
LG