Accessibility links

Breaking News

Ekonomi Etazini Pran yon Kwasans 5. 7% Nan ane 2021 an


Miami US Economy

Ekonomi Etazini te pran yon kwasans 5 , 7% nan ane 2021 an. Se premye fwa ekonomi-an te mache vit konsa pandan tout yon lane depi 1984, daprè sa Depatman Komès rapòte yè jedi a.

Gwo Kwasans sa a nan pi gran ekonomi mondyal la montre andurans li menm lè Etazini ap lite pou-l fè fas ak 2 nouvo varyan koronavirus ki fè kek endistri ap mache bankal, ki lakoz chèn distribisyon machandiz pou konsomatè yo kèk fwa kite etajè magazen yo rete vid e sa debouche sou yon 7 pousan ogmantasyon ane apre ane nan pri konsomatè yo, e se premye fwa pri yo moute wo konsa depi 4 dizèn lane.

Men pou ane a, ekonomi an kreye yon rekò 6 milyon 400 mil djob e li retabli pifò nan djob ki te pèdi lè pandemic an te tanmen nan komansman ane 2020 an.

Kèk analis di ekonomi an ka te ralanti sou kwasans li nan mwa janvye a akoz varyan Omicron nan nan moman plizyè milye anplwaye te rele travay yo pou di yo malad, sa ki te lakoz anpil fwa vòl avyon yo anile, aktivite biznis yo redui e ankò enstruksyon nan klass nan kèk lekòl ak univèsite te limite.

Men gouvenman an di kwasans ekonomi-an an jeneral te parèt klè nan trimès Oktòb a Desanm nan avek yon avans 6,9 % pou ane a, sa ki reprezante 3 fwa vitès period Juyè a septanm ki te 2,3 %.

Prezidan Etazini Joe Biden, pandan chif popilarite l ap plonje, sitou akoz kè sote ameriken genyen nan pandemic an ak pri konsomatè yo ki monte 17 wotè, li te bat bravo pou sa ki nan rapò sou ekonomi an.

Pou premye fwa depi 20 tan li di nan yon deklarasyon: ekonomi nou an grandi pi vit pase ekonomi la Chin. Sa se pa yon aksidan. Strateji ekonomik mwen an kreye bon jan travay pou ameriken yo , rebati industry nou yo e ranfòse chèn distribisyon nou yo isit nan peyi a pou ede fè konpayi nou yo kanpe pi djanm nan konpetisyon.

Prezidan Biden di e nap site: “Ameriken yo ap reve ankò –yo kwè nan tèt yo ak nan Etazini."

XS
SM
MD
LG