Accessibility links

Ejipt: Arestasyon Ansyen Prezidan Hosni Mubarak

  • J. Lyonel Desmarattes

Ansyen prezidan ejipsyen an, Hosni Mubarak

Otorite yo poze arestasyon ansyen Prezidan Hosni Moubarak k ap rete anba men lapolis pandan 15 jou, nan kad ankèt y ap mennen sou akizsyon dèske ansyen lidè ejipsyen an ta mele nan koripsyon.

Avoka akizasyon yo fè anons la mèkredi 13 avril 2011 la yon ti moman apre misye Moubarak te antre lopital pou yon pwoblèm kè li te santi pandan otorite yo t ap poze l kesyon nan sant touristik Sharm-el-Sheik la ki sou Lanmè Wouj la.

Daprè laprès ejipsyèn, 2 pitit gason misye Moubarak, Alaa avèk Gamai, ap reponn kesyon otorite yo e y ap rete sou la konsign pandan 15 jou tou.

Ansyen prezidan an ansanm ak kèk ansyen pwòch kolaboratè tonbe anba akizasyon dèske yo te foure men nan lajan Leta e yo te komèt abid pouvwa lè yo te itilize lafòs pou yo kontwole manifestan ki t ap pwoteste kont gouvènman an pi bonè ane sa a.

XS
SM
MD
LG