Accessibility links

Ejip : Gouvènman an Anonse Refòm nan Konstitisyon an Pou Kalme Pèp la

  • J. Lyonel Desmarattes

Ejip : Gouvènman an Anonse Refòm nan Konstitisyon an Pou Kalme Pèp la

Nan peyi Lejipt, gouvènman an fè konnen prezidan Hosni Mubarak, k ap fè fas ak gwo pwoblèm, fòme yon komisyon pou sipèvize refòm demokratik yo, nan moman manifestasyon popilè masif k ap fèt pou mande fen rejim li a ki sou pouvwa a depi preske 30 an, rive sou 3èm semèn yo.

Vis-Prezidan Omar Suleiman pale madi 8 fevriye 2011 la pou l di misye Mubarak pibliye yon dekrè ki tabli yon komisyon ki pral prepare refòm nan konstitusyon an, tandiske yon 2èm komisyon ap la pou fè aplike refòm sa yo.

Objektif refòm yo se adousi kondisyon yon sitwayen ejipsyen dwe satisfè pou l ka vin prezidan peyi li, epi mete limit nan kantite manda yon chèf-deta kapab pase sou pouvwa a – 2 nan prensipal egzijans opozisyon an.

XS
SM
MD
LG