Accessibility links

Breaking News

Efè Pozitif yon Plan Sovtaj Ewopeyen pou Lagrès sou Machedlabous yo


Pri aksyon yo anrejistre kèk gwo ogmantasyon aprè Inyon Ewòp la pran desizyon pou l apwouve yon plan k ap koupe 50% sou dèt peyi Lagrès

Pri aksyon yo anrejistre kèk gwo ogmantasyon a travè lemond jedi 27 oka, aprè Inyon Ewòp la te pran desizyon pou l apwouve yon plan kap koupe 50% sou dèt peyi Lagrès epi ogmante seryezman fon-lajan ki la pou fòme yon plan sovtaj ekonomik ki pral ede eta-manm yo kontwole kriz dèt kap frape “zòn ewo” a.

Se konsa, machedlabous Pari a anrejistre yon wòs plis ke 6%, tandiske nan Frankfort, ann Almay, pri aksyon yo anrejistre yon ogmantasyon ki depase 5%. Nan vil Lond, ann Angletè, tranzaksyon yo fèmen sou machedlabous la ak yon wòs prèske 3%, tandiske isit Ozetazini endis mache endistriyèl la (Down Jones la) fèmen jounen jedi a nan Wall Street ak yon ogmantasyon ki monte rive prèske 3%.

Pou sa ki gen rapò ak desizyon Unyon Ewòp la pran pou l apwouve yon plan k ap koupe 50% sou dèt Lagrès la, Premye Minis peyi sa a, George Papandreu, reyaji pou l di desizyon sa a pral pèmèt Lagrès peye lajan li dwe bank ewopeyen yo.

Ozetazini, Prezidan Barack Obama fè konpliman pou plan ewopeyen yo jwenn nan e li di li trè zenpòtan pou yo mete plan sa a ann aplikasyon totalman e avèk detèminasyon.

Lidè ameriken an kontinye pou l di li genyen yon konfyans total nan dirijan « zòn euro » a epi antant yo jwenn nan pral genyen definitivman yon enpak sou sitiyasyon ekonomik la Ozetazini.

XS
SM
MD
LG