Accessibility links

Breaking News

Diskisyon ant Prezidan Ayiti a ak Aktè Politik yo Sou Wout Pou l Debouche sou yon Antant


Yon manifestan lanse slogan pandan l pote drapo ayisyen an nan yon pwotestasyon kont Prezidan Ayiti a

Sekretè deta kominikasyon an Frantz Exantus di avan lontan òm politik yo kapab jwenn yon konpromi kap pèmet Prezidan Jovel Moise deziye yon nouvo premye Minis ki pou fòme yon gouvènman inyon nasyonal. Msye Exantus di se pral yon govènman ka p ouvè e ka p genyen manm opozisyon an ladan l; se moun ki pran desizyon pou sèvi peyi yo.

Daprè Msye Exantus, diskisyon ant òm politik yo e Prezidan Jovenel Moise rive nan yon vaz trè avanse e yo pa p pran anpil tan pou yo rive nan bout yo. Sekretè deta kominikasyon an fè konnen atik 165 konstitisyon Ayiti a di klèman gouvènman kap likide afè kourant aprè demisyon yon Premye Minis, pa ekzanp demisyon PM Joseph Joute la, gen yon delè 30 jou pou yo ranplase gouvenman ka p likide afè kourat yo. Sa vle di 30 jou Premye Minis a.i. Claude Joseph la rete sèlman 24 a 72 zè pou l kite pòs li.

Sekretè deta kominikasyon an deklare avan lotan, pèp la pral konnen kilès ki nouvo Premye Minis peyi a. Nouvo Premye Minis sa a pral genyen pou l fòme yon gouvènman.

Msye Exantus fè konnen tout desizyon Ayiti dwe pran nan kad angajman sou kesyon ki enpòtan yo, se aktè ayisyen yo ki pou antann yo pou yo ale pi devan. Li di paten entènasyonal yo kapab la pou yo bay apwi yo, pou yo koopere, e pou ankouraje aktè yo. Sepandan li di peyi a pa oblije ret tann patnè etranje yo, peyi a oblije avanse.

Plizyè manm sosyete sivil la ak kèk òm politik swete ke aktè kap fè diskisyon ak Prezidan Jovenel Moise yo jwenn yon antant kap dire e ki kapab pote yon solisyon pou kriz Ayiti ap travèrse a.

XS
SM
MD
LG