Accessibility links

Prezidan Brezil la, Dilma Rousseff, Anile yon Vizit Ozetazini akoz Difikilte Politik

  • Ekip Sèvis Kreyòl VOA

Prezidan Dilma Rousseff (agoch) ki tap pale ak Vis Prezidan Michel Temer nan Palè Planalto nan kapital Brezil la, Brazilya, nan jounen 2 mas 2016 la. (Foto achiv).

O Brezil, Prezidan Dilma Rousseff, kap fè fas ak gwo difikilte pou l rete sou pouvwa a, anile yon vizit li te genyen pou l fè nan capital federal Lèzetazini an, Washington, kote li ta pral asiste yon somè 2 jou sou sekirite nikleyè kap kòmanse jedi 31 mas 2016 la

Madam Rousseff pran desizyon pou l anile vwayaj la apre pi gwo pati politik nan peyi a ak yon kowalisyon ki tap apiye gouvènman an deside brid sou kou, nan jounen madi a, pou yo kite l tonbe.

Sitiyasyon sa a mete premye fanm ki monte prezidan o Brezil pi prè yon jijman kote palman an kapab wete li sou pouvwa a. Jijman sa a -ki kapab baze sou akizasyon deske Prezidan Roussef mele nan koripsyon, tankou move jesyon lajan Leta a-- kapab dewoule pa pi ta ke mwa pwochen an.

XS
SM
MD
LG