Accessibility links

Breaking News

"Lèzetazini Dabò" : Se Tèm Mesaj Prezidan Trump Pral Prezante nan Fowòm Ekonomik Davos 2018 la


Fowòm Ekonomik Mondyal la nan Davos, Laswis.

Nan peyi Laswis, manifestan vide pa bann e pa pakèt nan lari anpil vil pou yo montre yo pa dakò pou prezidan ameriken an, Donald Trump, patisipe nan Fowòm Ekonomik Mondyal la kap dewoule semenn sa a nan vil Davos. Misye Trump ap rive jedi 25 janvye a nan Laswis kote li gen pou l pale de slogan administrasyon li a, "America First" -ou "Lèzetazini Dabò"- nan yon mesaj li pral mete vandredi devan lidè k ap dirije komès ak politik mondyal la.

Lavèy arive Misye Trump nan Davos, manm ekip ekonomik li a fè yon prezantasyon kote yo montre estrateji gouvènman ameriken an sou plan ekonomik la pral ogmante konpetivite sou mache mondyal la. Minis Trezo Lèzetazini an, Steve Mnuchin, youn nan 10 manm kabinè Trump la k ap asiste fowòm nan, fè ankouraje yon dola ki pi fèb, sa ki lakoz greenback la desann nan nivo ki pi ba a depi 3 zan, daprè endèks Bloomberg la.

Minis Trezò Lèzetazini an, Steve Mnuchin. (Foto Achiv).
Minis Trezò Lèzetazini an, Steve Mnuchin. (Foto Achiv).

Pandan Misye Mnuchin t ap pale ak laprès nan Davos, li deklare: "Li klè ke yon dola ki fèb se yon bagay ki nan avantaj nou pou sa ki konsène echanj komèsyal ak opòtinite."

Yon jou aprè Prezidan Trump te pran desizyon pou l ogmante tarif yo sou pyès enpòte pou aparèy ki travay ak enèji solè yo ak gwo machin a lave, Misye Mnuchin di li pa gen pwoblèm ak moun ki panse gen konfwontasyon ant politik pwoteksyonis aministrasyon Trump la ak peyi k ap defann sistèm komèsyal global la. Sou domèn libre echanj la, Minis Trezò a deklare:

"Sa gen rapò tou ak slogan "Lèzetazini dabò" a. Men "Lèzetazini dabò" vle di tou nou ap travay avèk rès mond la."

XS
SM
MD
LG