Accessibility links

Daprè Sekretè Deta Ameriken an, Kore di Nò ak Bimani Reprezante 2 Menas Pou Estabilite Rejyon Azi Pasifik la

  • Coralie Saint-Louis

Sekretè deta ameriken an, Hillary Clinton, fè konnen Kore di Nò ak Bimani reprezante 2 menas a lon tèm pou estabilite rejyon Azi Pasifik la.

Pandan chèf diplomasi amerikèn nan te pran lapawòl nan kòmansman Fowòm peyi manm Asosaysyon Rejyon Azi di Sid Es la k ap dewoule nan Hanoi, peyi Vyetnam, madam Clinton di li konsidere Kore di Nò tankou: “Yon rejim izole e belijeran ki mele nan yon kanpay pwovokatè e ki afiche yon konpòtman danjre.”

Mèkredi 21 jiyè 2010 la, pandan madam Clinton t ap fè yon vizit nan vil Soul, kapital Kore di Sid, li te anonse Lèzetazini ap pran kèk sanksyon tou nèf kont Pyongyang (gouvènman nò koreyen an).

Sekretè deta ameriken an ak kòlèg nò koreyen n nan, Pak Ui Chun, twouve yo nan Hanoi pou fowòm Asosaysyon eta Azi di Sid Es la.

Se premye fwa 2 chèf diplomasi yo parèt nan yon evennman an menm tan depi Kore di Nò te koule yon bato lamarin de gè Kore di Sid, youn nan prensipal rezon ki fè Lèzetazini pran nouvo sanksyon yo kont Pyongyang . 46 maren sid koreyen te pèdi lavi yo nan ensidan sa a. Kore di Nò rejte tout responsablite nan afè a.

XS
SM
MD
LG