Accessibility links

Kolonbi Politik: Administrasyon Prezidan Santos la ap Fè Lapè ak Gwoup Guerrilla ELN

  • Ekip Sèvis Kreyòl VOA

Minis afè Etaranjè Ekatè a, Fernanda Espinosa, osant, kanpe ant lidè gwoup rebèl ELN a, Pablo Beltran, adawat, ak reprezantan gouvènman Kolonbye an, Juan Camilo Restrepo, pandan finisman yon konferans pou laprès nan Quito, Ekwatè, lendi 4 septanm 2017 la.

Aprè plizyè mwa negosyasyon, gouvènman Prezidan Juan Manuel Santos la rive jwenn yon akò seselfe avèk Lame Liberasyon Nasyonal la (ELN).

Nan Kolonbi, aprè plizyè mwa negosyasyon, gouvènman Prezidan Juan Manuel Santos la rive jwenn yon akò seselfe avèk dènye gwoup guerrilla ki te aktif toujou nan peyi a, an palan de Lame Liberasyon Nasyonal la (Ejercito de Liberaciòn Nacional, ELN).

Anons sa a parèt nan vil Quito, kapital Ekwatè, yon peyi vwazen Kolonbi, kote negosyasyon yo dewoule nan moman Kolonbyen yo ap fè preparasyon pou yo resevwa Pap Franswa. Nan yon nòt ELN pibliye sou kont Twitter li a, kote li site non espayòl Souvren Pontif la, li fè konnen :

“Nou deklare vizit Pap Francisco a ta dwe reprezante yon motivasyon an plis pou nou chache jwenn yon seri de antant an favè kominote nou yo ki pase lontan ap soufri a koz move konsekans lagè sivil la.”

Ane pase a pi gwoup gwoup guerrilla nan Kolonbi a, FARC (Fòs Ame Revolisyonè Kolonbi a) te siyen ak gouvènman an yon akò lapè ki, an gwo, mete fen nan yon gè sivil ki la depi plispase 5 dizèn lane. Men se depi mwa fevriye 2017 la sèlman Prezidan Santos te kòmanse negosye ak dijijan Lame Liberasyon Nasyonal la pou l mete yon fen total nan lagè a.

XS
SM
MD
LG