Accessibility links

Breaking News

Etazini-Politik: Eske gen Lyen ant Teworism ak Imigrasyon? Dezakò ant Ofisyèl Nouvo e Ansyen


James Clapper, ansyen direktè Ajans Nasyonal Enfòmasyon Sekrè Lèzetazini an, youn nan ofisyèl ki denonse rapò a

Yon gwoup ansyen ofisyèl ki te travay nan Ajans Sekirite Nasyonal Lèzetazini an denonse yon rapò administrasyon Trump la pibliye sou sa li konsidere kòm lyen ki egziste ant teworism ak imigrasyon.

Daprè ansyen ofisyèl sa yo, rapò a gen fòs kote paske li bay fo enpresyon kòmkwa se imigran ki responsab pou pi fò zak teworis ki fèt Ozetazini. Nan yon lèt ansyen ofisyòl sa yo voye bay Minis Jistis la, Jeff Sessions, ak Minis Sekirite Enteryè a, Kirstjen Nielsen, yo di kijan yo gen kè-sote poutèt rapò a, ki te parèt nan mwa janvye 2018 la, chaje ak deklarasyon ki pa sa, plis le fèt ke gen anpil bagay enpòtan li pa di.

Minis Jistis la, Jeff Sessions (adwat), ak Minis Sekirite Enteryè a, Kirstjen Nielsen. (Foto: 16 out 2018 nan Washington).
Minis Jistis la, Jeff Sessions (adwat), ak Minis Sekirite Enteryè a, Kirstjen Nielsen. (Foto: 16 out 2018 nan Washington).

Ansyen ofisyèl sa yo lanse yon apèl prese-prese bay administrasyon Trump la pou mande l reponn kèk kesyon yo poze sou rapò sa a e ki poko gen repons. Pami yo gen ansyen direktè Ajans Nasyonal Enfòmasyon Sekrè a, James Clapper, ak ansyen bawon Sèvis Kontr'Espyonaj La Mezon Blanch la, Richard Clarke.

Se Depatman Jistis la ak Depatman Sekirite Enteryè a ki te pibliye rapò a. Daprè sa ki di nan dokiman an, 3 sou 4 moun lajistis amerikèn kondane pou teworism entènasyonal depi atak 11 septanm 2001 yo, se moun ki te pran nesans a letranje.

XS
SM
MD
LG