Accessibility links

Breaking News

Chef Pake Potoprens la Mande pou yo Akize PM Henry an Koneksyon ak Asasina Prezidan Moise la


Foto Achiv: Premye Minise Ayisyen Ariel Henri (mitan) Premye Minis pwovizwa Claude Joseph (a dwat) poze pou yon foto ak kek lot responsab Ayisyen, 20 Jiye, 2021.

Nouvo devlopman nan aktyalite politik la avèk plizyè korespondans ki soti nan dènye jou ki pase la a , e menm jodi madi 14 septanm 2021 an. Dènye ki soti a se kote komisè gouvènman Pòtoprens la, mèt Bed-Ford Claude ki voye yon korespondans bay direktè Imigrasyon ak Emigrasyon peyi a M’sye Joseph Cianciulli pou mande entèdiksyon depa pou premye minis Ariel Henry akoz gwo soupson kap peze do l nan dosye asasinay prezidan Jovenel Moise la. Se konsa komisè gouvènman Tribinal Premye Prenmyè entans Pòtoprens, mèt Bed-Ford Claude mande jij enstriksyon an Garry Aurélien pou akize premye minis Aryel Henry.

GADE: Repotaj Jacquelin Belizaire

Akizasyon ak Entediksyon Vwayaj Kont PM Ariel Henry
please wait

No media source currently available

0:00 0:02:40 0:00

Devlopman sa yo soti kèlke jou apre mèt Claude voye bay premye minis la nan dat 10 septanm 2021 yon envitasyon pou l vin pote eklèsisman nan dat 14 septanm 201 a 10 zè sou 2 apèl telefonik li genyen ak fijitif Joseph Felix Badio menm jou asasinay prezidan Jovenel Moise la7 jiye 2021 a 4:03 e 4 :20 nan maten

Nan yon lòt korespondans ki pote dat 13 septanm 2021 : Minis jistis ak Sekirite piblik la, mèt Rockeler Vincent ekri Direktè jeneral ai Polis Nasyonal la, Leon Charles, e ki konsène tou, tout ajan PNH yo pou raple yo dispozisyon lwa 29 novanm 1994 la ki gen rapò ak kreyasyon, òganizasyon ak fonksyonman PNH la . Konsa li raple enstitisyon polisyè a twouve l anba otorite Ministè Lajistis e ke CSPN nan ( Konsèy Siperyè Polis Nasyonal la ) genyen sèlman yon pouvwa konsiltatif . Anklè, minis Vincent mande DG PNH la pou l pase lòd bay tout ofisye PNH la pou yo pa egzekite okenn lòd ki soti nan vwa yon otorite politik, e ankò plis si lòd ilegal.

Nan menm korespondans sa minis jistis la mande DG PNH la pou l ranfòse sekirite pòsonel komisè gouvènman Pòtoprens la Bed-Ford Claude pou gwo menas l ap resevwa depi 5 jou.

Konfli sa a ap dewoule nan moman Premye minis Ariel Henry ap debat pou aplikasyon akò politik pou yon gouvènans apeze e efikas pandan peryòd enterikmè a … sa ki fè anpil moun ap poze kesyon sou avni politik peyi a .


Facebook Forum

XS
SM
MD
LG