Accessibility links

Chèf Konsèy Nasyonal Tranzisyon Libyen an Rankontre ak yon Diplomat Ameriken

  • VOA Nouvèl

Jeffrey D. Feltman ak Mostafa Abdel Jalil ( Foto REUTERS/Anis Mili )

Chèf Konsèy Nasyonal Tranzisyon an nan Libi ap rankontre ak otorite pi wo plase Etazini ki ap vizite peyi a depi fòs administrasyon pwovizwa a chase msye Moammar Kadhafi sou pouvwa a.

Mustafa Abdel Jalil fè yon chita-tande nan kapital Libi a, Tripoli avèk Jeffrey Feltman asistan sekretè deta Etazini pou zafè pwoche Oryan an.

Rankont sa a rive yon jou apre ke Bank Mondyal rekonèt KNT a e li di li pral travay pou l bay asistans nan transisyon peyi Libi.

Bank Mondyal te fè parèt yon deklarasyon kote li fè konnen desizyon ni an baze sou evenman ki pase nan Libi yo ak sou pwen de vu peyi manb ni yo.

Li ajoute yo te mande l pou l egzamine nesesite pou reparasyon sistem dlo, ak enèji nan Libi e pou l ede peyi a nan sektè bankè an kolaborasyon avèk Fon Monetè Entènasyonal.

XS
SM
MD
LG