Omwen 3 esplozyon souke byen bonè madi 22 mas 2016 la kapital peyi Bèljik la, Briksèl. 2 nan eksplozyon yo fèt nan ayewopò entènasyonal la epi yon lòt nan estasyon metwo vil la ki nan mitan Briksèl.
Yon video moun filme sou yon telefòn pòtab montre moun kap kouri kite Ayewopò Zaventem nan, aprè 2 esplozyon yo te fèt vè 8 tè di maten, lè lokal. Men kijan yon temwen dekri sitiyasyon an:
“Nou te nan asansè a; nou tap desann pou nou t al pran tren. Se konsa m tande yon eksplozyon… sete premye bonm nan. Epi, lè nou kite asansè a, nou tande yon 2èm eksplozyon. Se lè sa a nou wè fenèt ak pòt ki t ap vole toupatou. Vit, tèt-kay t ap tonbe a dwat, a goch…”
Laprès lokal rapòte anviwon 30 moun mouri tandiske 130 lòt konsa blese nan 2 eksplozyon ki fèt nan ayewopò a. 3èm eksplozyon an rive nan lokal lapòs la ki anba lavil Briksèl, kote biwo Unyon Ewopeyèn nan yo sitiye. Eksplozyon marasa sa yo fèt byen bonè, anvan 9 vè di maten, kote te gen anpil sikilasyon nan vil la.