Accessibility links

Breaking News

Brezil-Politik Rejyonal: Brazilya Di Li Pap Fèmen Fwontyè li Avèk Venezuela


Nan vil Paracaima, o Brezil, toupre fwontyè peyi a avèk Venezuela. Kawotyou ki t ap boule apre moun nan zòn nan te atake imigran venezuelyen sou akizasyon dèske yo te bat yon komèsan lokal epi volè sa l te posede.

O Brezil: gouvènman an anonse li pap fèmen fwontyè peyi a avèk Venezuela malgre zak vyolans popilasyon lokal la nan vil fwontyè Pacaraima te komèt sou imigran venezyelyen k ap viv nan zòn nan.

Otorite yo nan Brazilya di sòlda ap fè patwouy sou fwontyè a e sitiyasyon an amelyore aprè brezilyen nan zòn nan te boule rapyetè yon kan enpwovize kote imigran venezuelyen t ap viv. Rezon zak vylans sa a, se paske brezilyen yo te panse imigran sa yo te responsab yon atak ki te fèt sou yon kòmèsan lokal samdi pase a epi mete dife nan boutik li.

Yon gwoup imigran venezuelyen ki chita bò kote zafè yo aprè yo te fin travèse fwontyè a pou yo antre nan vil Pacaraima, nan eta Roraima, o Brezil. (Foto: Lendi 20 out 2018).
Yon gwoup imigran venezuelyen ki chita bò kote zafè yo aprè yo te fin travèse fwontyè a pou yo antre nan vil Pacaraima, nan eta Roraima, o Brezil. (Foto: Lendi 20 out 2018).

Daprè otorite yo nan Brazilya toujou, chak jou yon afè de 500 sitwayen venezuelyen travèse fwontyè a pou yo antre nan Eta brezilyen Romaria kote vil Pararaima sitiye, epi yo tabli yo la, paske yo pa gen ase lajan pou yo kontinye wout la pou yo ale pi lwen.

XS
SM
MD
LG