Accessibility links

Breaking News

Brezil Kòmanse Teste yon Vaksen Kont KOVID-19 Madi 21 Jiyè 2020 an


Pwofesyonèl nan domèn transpò a nan rejyon Sorocaba, (Sao Paolo), o Brezil ki t ap resevwa tès pou Covid-19 nan dat mèkredi 15 jiyè 2020 an. (Foto: Cadu Rolim/Fotoarena/Sipa USA).

Peyi Brezil pral kòmanse teste, nan jounen madi 21 jiyè 2020 an, moun k ap pote yo volontè pou otorite lasante yo eksperimante sou yo yon vaksen kont maladi KOVID-19 la. Pi gwo peyi nan Amerik Latin nan ap fè eksperimantasyon sa a yon jou aprè yon konpayi byofamasetik chinwa, ki rele SINOVAC, te voye yon vaksen nan peyi a pou responsab yo eseye.

Gouvènman Eta Sao Paolo a deja anonse ke 12 sant rechèch nan 6 eta brezilyen an pral reyalize 9 mil tès pandan 90 jou k ap vini la yo. Lopital Das Clinicas, pi gwo sant medikal kote yo trete moun ki trape viris KOVID-19 la nan Eta Sao Paolo, se premye sant kote otorite medikal yo pral kòmanse reyalize tès yo.

Jiskaprezan Brezil anrejistre plis pase 2 milyon 100 mil ka enfeksyon konfime viris ki bay KOVID-19 la; sou kantite sa a gen plis pase 80 mil moun ki pèdi lavi yo anba maladi a.

XS
SM
MD
LG