Accessibility links

Breaking News

Blinken Kondane Kiba pou 'Kraponaj' Anvan Manifestayon Planifye yo


Foto Achiv: Sekretè d'Eta Etazini Antony Blinken nan Depatman d'Eta a nan Washington, 27 Janv. 2021.

Sekretè d'Eta Ameriken Antony Blinken kondane sa li dekri kom "taktik kraponnaj" gouvènman Kiben an deplwaye anvan yon manifestasyon ki planifye pou Lendi ann Kiba. Blinken sèmante ke Etazini pral pousuiv mezi pou rann responsab tout moun ki sere boulon manifestan yo.

Gwoup opozisyon yo oganize mach la pou mande plis libète politik epi liberasyon militan ki fèmen nan prizon depi Jiyè. Gouvènman Kiben an entèdi manifestayon paske li di li fè pati yon kanpay destabilizasyon Etazini ap mennen.

"Nou lanse apèl bay gouvènman Kiben an pou'l respekte dwa pèp la, pèmèt yo rasanble nan la pè, kenbe liy telekominikasyon ak entènèt la ouvè," Blinken di nan yon deklarasyon li pibliye.

Blinken mande peyi zanmi Etazuni yo pou yo fè mèman, parèyman ak Washington epi apiye manifestan yo. Li pwomèt Etazini "pral kontinye pousuiv mezi ki apiye pèp Kuben an epi rann responsab moun ki dèyè zak represyon rejim Kiben an."

Administrasyon Biden nan enpoze plizyè restriksyon deja kont responsab Kuben yo ak fos sekirite yo depi kokenn chenn manifestasyon mwad Jiyè yo.

Predesesè Joe Biden nan, Donald trump, te fè bak sou rapwochman ke predesesè pa li a, Barack Obama te fè ant Etazini ak ansyen enmi Gè Fwad li a.

XS
SM
MD
LG