Dosye kolera a kontinye ap pran lòt dimansyon nan peyi Dayiti sitou ak chif yo k ap monte e ak manifestasyon ki dewoule nan plizyè rejyon nan peyi a.
Jedi 18 novanm 2010 la, pwotestasyon vyolan dewoule nan kapital ayisyèn, nan, Pòtoprens, kote manifestan te antre nan lese-frape ak sòlda Misyon Nasyonzini pou Stabilizasyon Ayiti a (MINUSTAH).
Manifestan yo voye wòch sou sòlda mentyen lapè yo e yo te bloke lari ak kawotchou yo t ap boule.