Accessibility links

Ayiti-Eleksyon: Rezilta yo ap Sòti Madi 7 Desanm 2010 la

  • VOA Nouvèl

Tansyon an ap ogmante nan peyi Dayiti nan moman Konsèy Elektoral Pwovizwa a pare pou l anonse jodi madi 7 desanm nan rezilta ofisyèl pasyèl eleksyon 28 novanm yo kote elektè yo te vote pou chwazi yon prezidan, 13 senatè ak 99 depite.

Plizyè sektè nan opozisyon an ak sosyete sivil la mande anilasyon eleksyon yo akoz magouy ki ta fèt ak entimidasyon kèk elektè ta sibi pandan jounen eleksyon yo. Kominote Entènasyonal la ak Konsèy Elektoral la di eleksyon an akseptab, malgre yo rekonèt te gen anpil iregilarite nan plizyè sant de vòt.

Plizyè kandida pou pòs prezidan an patisipe nan yon manifestasyon dimanch pou mande anile eleksyon yo. Manifestan yo te antre nan lese frape ak lapolis pandan yo akize Prezidan René Préval dèske l ap manipile rezilta yo an favè kandida Pati Inite ki sou pouvwa a, anpalan Jude Celestin.

Dapre konstitisyon 1987 la, kandida ki ranpote 50% vwa yo plis 1 ranpòte eleksyon an ; sinon pral gen yon 2èm tou ak 2 kandida ki fini nan premye ak 2èm pozisyon yo. Si gen yon 2èm tou, l ap dewoule nan dat 16 Janvye 2011.

XS
SM
MD
LG