Accessibility links

Ayiti: Lapolis Promèt Rezilta Ankèt sou Dosye Kagezob Zam yo te dekouvri nan Sen Mak la

  • Ekip Sèvis Kreyòl VOA

Dapre Direktè General Lapolis, Jean-Michel Gedéon, ankèt sou Chajman zam lapolis te dekouvri nan vil Sen Mak nan mwa Septanm nan pa gen anyen pou l wè ak politik ni ak eleksyon.

Misye Gedéon di lapolis gen pou l pibliye rezilta ankèt la nan jou k ap vini yo. DGPNH la fè deklarasyon sa yo pandan vizit li nan depatman Latibonit la nan Jedi 22 septanm 2016 la.

Vizit sa yo, selon Direktè General polis nasyonal la, se pou mobilize polisye ak evalye sitiyasyon sekirite yo nan komisarya yo avan prochen eleksyon yo.

Misye Gedéon bay garanti tout inite lapolis la ap deplwaye nan tout peyi a 48 tèdan avan dezyè dimanch mwa oktob la, jou ki fikse pou eleksyon yo. Direktè polis la promè sekirite pou tout sitwaywayen aysyen ki pral lage bilten vòt nan jounen 9 oktòb 2016 la.

Korespondan Lavwadlamerik nan Gonaives Exakus Mergenat ki te sou plas pandan pasaj DGPNH la nan depatman Latibonit la vini ak plis detay nan repòtaj sou video sa a ki anlè atik la.

Klike sou lyen anlè atik la pou ou gade repòtaj Exakus Mergenat a depi Gonayiv.

XS
SM
MD
LG