Accessibility links

Breaking News

Ayiti Make 12e Anivèsè Tranbleman Tè 2010 la


Premye Minis Ayisyen Ariel Henry (mitan) depoze yon jeb fle devan moniman nan memwa viktim tranbleman te 2010 yo nan Titanyen o no Potoprens, Mekredi 12 Janvye 2022.

Jodia, Ayiti Komemore 12e anivèsè tranbleman te ki tè frape peyi a 12 Janvye 2010 la.

Gouvènman Ayisyen oganize yon seremoni ofisyèl nan Potoprens pou komemore anivèsè a, ke Premye Minis Ariel Henry prezide.

Gouvèneman Ayisyen an komemore memwa Viktim Tranblemantè 12 Janvye 2010 yo
please wait

No media source currently available

0:00 0:01:15 0:00


Sekous katastwofik la te gen yon puisans 7.0 sou nechèl Richter la. Li te frape a 16:53 lè lokal.

Episant la sete Léogâne nan depatman Wès la, ak yon distans 25 kilomèt a l'wès kapital la, Pòtoprens.

Yon dam pase devan sak rete de Katedral Notre Dame la 12 Janvye 2020, ki se 10e anivese tranbleman te 2010 la.
Yon dam pase devan sak rete de Katedral Notre Dame la 12 Janvye 2020, ki se 10e anivese tranbleman te 2010 la.


Gen 316,000 moun ki mouri, dapre gouvènman Ayisyen an, men yon rapò Ajans Ameriken pou Devlopman Entenasyonal (USAID) pibliye estime ke se ant 46,000 ak 85,000 moun ki te peri.

Sekretè Jeneral Nasyonzini an, Antonio Guterres pibliye yon mesaj sou anivèsè tranbleman tè a sou kont ofisyèl Twitter li a.

"Gen 12 zan desa, yon tranbleman tè te devaste Ayiti epi touye dè santèn milye moun, pami yo 102 anplwaye LONU," Misye Guterres deklare. "Jodia ak chak jou nou sonje viktim yo e nou rann omaj a yo atravè travay nou. Nou pap janm bliye yo."

Reprezantan Espesyal Adjwen Sekrete Jeneral LONU an Bruno Lemarquis, ki se an menm tan Rezidan ak Kowodonate Asistan Imanite a, te asiste yon seremoni pou make anivèsè a.

Nan yon deklarasyon li pibiye, ekip LONU an ann Ayiti deklare "peyi a konte sou reziyans pèp la, travay enstitisyon li yo ak asistans pakèt zanmi li pou fè fas ak trajedi sa a."

Deklarasyon ajoute "se menm sans reziyans sa a ak solidarite ki pèmèt Ayisyen reponn bezwen moun yo apre tranbleman tè dramatik ki te frape rejyon sid peyi a nan mwad Out ane pase a."

LONU renouvle angajman li pou'l travay ak peyi zanmi Ayiti ak sa yo ki apiye peyi a e kap travay pou Ayisyen ka jwi yon avni ki enkizif, ki miyò.


Depite Demokrat Ameriken Frederica Wilson, ki reprezante eta Florid nan La Chanm dè Reprezantan pibliye yon mesaj sou kont Twitter li a tou, a l'okazyon anivèsè a.

"Sa gen 12 lane, yon tranbleman tè 7.0 te devaste #Haiti, e koze lanmo plis pase 250,000 moun. Antanke reprezantan youn nan pi gwo kominote Ayisyen-Ameriken Ozetazini, mwen onore memwa viktim yo e mwen rann omaj a sivivan yo," li deklare.

Korespondan VOA nan Nasyonzuni, Margaret Besheer kontribye a repotaj sa a.

Facebook Forum

XS
SM
MD
LG