Accessibility links

Breaking News

Ayiti: Leta Deklare 12 Janvye Kòm Yon Jou Ferye


Palè Nasyonal ayisyen an aprè tranblemanntè 12 janvye 2010 la

Yon arète prezidansyèl ki sòti nan dat 4 janvye 2012 la, fè jounen jedi 12 janvye a tounen yon jou ferye pou administrasyon piblik la, lekòl, komès ak endistri.

Biwo kominikasyon prezidans la, ki pibliye enfòmasyon sa a , presize nan okazyon jounen sa a k ap make dezyèm anivèsè tranblemantè 12 janvye 2010 la, drapo nasyonal la ap monte a demi ma devan tout edifis piblik yo; diskotèk ak lòt kote moun konn plezi, yo tout ap fèmen ; estasyon radyo ak televizyon ap prezante pwogram ak mizik apwopriye.

Dapre arète a toujou, otorite yo envite tout relijyon nan peyi a pou yo òganize seremoni ki an akò ak sikonstans la.

XS
SM
MD
LG