Accessibility links

Breaking News

Avètisman Kont yon Sounami Ozetazini


Avètisman Kont yon Sounami Ozetazini

Isit Ozetazini, responsab sèvis dijans nan eta Hawayi ki sou kòt pasifik peyi a, pase lòt pou moun k ap viv nan rejyon plat ki sou kòt yo, deplase pou yo ale lòt kote, paske menas sounami ap peze sou rejyon sa yo akoz gwo tranblemanntè ki frape Japon byen bonè vandredi 11 mas 2011 la.

Sant Ameriken pou Avètisman Kont Sounami an (ki baze nan Haiwayi) lanse yon pinnga anti-sounami pou tout eta a, kèk èd tan aprè gwo lanm-lanmè, ki genyen 10 mèt de wòtè (jan n di l deja a) te anvayi kòt nòdès Japon.

Sant la fè konnen premye vag yo kapab rive sou Hawayi vè 3 zè di maten lè lokal (swa 8 tè di maten, isit Washington). Sant Ameriken pou Avètisman Kont Sounami an lanse menm anons-pinnga sa a pou peyi Meksik ak kèk rejyon nan Amerik Santral ak Amerik di Sid.

Pandansetan, Yon sant Avètisman anti-sounami ki baze nan eta Alaska pibliye yon avètisman ki valab pou tout kòt wès Lèzetazini ---pami eta avètisman sa a konsène, genyen Alaska, Washington, Oregon, ak Kalifòni, plis Kolonbi Britanik, yon pwovens ki nan pati nòdwès Kanada.

XS
SM
MD
LG