Biwo Pwoteksyon Sivil lanse yon seri atelye pou pale de fason piblik la kapab pwoteje tèt li nan ka dezas natirèl. Nan wikenn nan, youn nan atelye sa yo te dewoule nan vil Hinche. Kowòdonatè aktivite biwo a, Emmanuel Pierre, di youn nan objektif yo se ede popilasyon an pwoteje tèt li e limite dega, sitou lè gen siklòn. Jounalis ki te sòti toupatou nan peyi a te asiste atelye a.