Accessibility links

Breaking News

Bilan Zak Vyolans nan Irak : 5 Mò ak 15 Blese


fòs sekurite nan irak kap enspekte sèn atakan suisid la nan Basra ki a 55km sidès Baghdad, Irak
fòs sekurite nan irak kap enspekte sèn atakan suisid la nan Basra ki a 55km sidès Baghdad, Irak

Lapolis nan peyi Irak fè konnen yon atakan-suisid touye 5 moun e li blese omwen 15 lòt nan vil Basora, nan pati sid Irak, kote endistri petwòl la ap reprann kap li.

Daprè otorite yo, bonbis la, ki te sou volan yon machin, te eseye antre avèk li anndan lakou yon biwo-polis.

Lè sekirite te bloke li, li fè machin nan eksploze. Nouvèl yo di omwen 3 nan moun ki mouri yo se polisye.

Avanyè samdi a 2 eksplozyon bonm –ki sanble te planifye pou yo sote an menm tan-- te touye 6 moun nan vil Mosoul, nan pati nò Irak.

Lapolis ak responsab lopital yo fè konnen 2 eksplozyon sa yo te fèt nan yon ri ki te chaje ak moun, tou prè kèk biwo leta. 55 moun pou pi piti te blese.

XS
SM
MD
LG