Accessibility links

Breaking News

Lespay/Peyi Ba: Yon Afwontman "Inédit" Nan Yon Final Koup Dimond


Carles Puyol ( nan mitan) make gòl viktwa a nan match Lespay/ Lalmay ki te dewoule jou mèkredi 7 jiyè 2010 la. (AP Photo/Martin Meissner)

—Lespay kale Lalmay 1 a 0 pou l kalifye pou la premyè fwa pou final yon koup dimond. Espayòl yo pral rankontre La Oland ki te elimine Irigwe nan premye match semi final la. 2 seleksyon yo (Lespay ak La Oland) poko janm ranpòte yon trofe mondyal. La Oland te pèdi 2 fwa an final devan Almay an 1974 e devan Ajantin an 1978.

—Ann almay, jounal yo reyaji apre defèt sipriz seleksyon nasyonal la sibi, mèkredi 7 jiyè a, devan Espay. Jounal yo mande sa ki pase ekip la ki te make 4 gòl pou l kale Angletè anvan l te bat Ajantin sou menm skò a pou l te kalifye pou semi fina la. Sou tit "Caramba", yon jounal ekri pou l di : "Espayòl yo te an fòm sou teren an; donk yo merite viktwa a."

Yon lòt jounal konsèvatè ki parèt nan vil Frankfurt, di Espayòl yo te twò fò sou teren an; kounye a Alman yo pral dèyè yon 3èm plas. Daprè jounal la toujou, Lespay anpeche Lalmay patisipe nan 8èm final yon koup dimond.

Yon jounal nan Bèlen pibliye foto fanatik nan vil sa a e nan Munick ki tap kriye apre defèt alman yo devan Lespay. 31 milyon 100 fanatik asiste rankont la nan televizyon, swa yon ogmantasyon preske yon milyon edmi pa rapò ak chif ane 2006 la kote se 29 milyon 600 mil fanatik te swiv semi final la.

—FIFA anonse responsab ap ogmante mezi sekirite yo pandan match klasman ki pral dewoule ant Lalmay ak Irigwe apre yon fanatik Italyen, ak yon vouvouzela nan men n, te monte teren an pandan match semi final ki t ap dewoule ant Lespay e Lalmay la. La polis ap mennen ankèt sou ensidan an.

—FIFA fè konnen li kapab dedomaje fanatik ki te rate rankont Lespay/Lalmay akoz pwoblèm trafik ki te genyen nan ayewopò Durban nan.

—Otorite brezilyen yo ak responsab FIFA yo ap lanse ofisyèlman, jedi 8 jiyè 2010 la, koup dimond 2014 la ki pral dewoule o Brezil.

—Pou n tounen sou match semi-final ki dewoule mèkredi 7 jiyè a ant Lespay ak Lalmay, nou envite w koute kòmantè kwonikè spòtif Hugues Felix nan mikwo Jacquelin Bélizaire.

Klike sou ikòn MP3 ki anwo e adwat atik sa a pou w koute entèvyou Jacquelin Bélizaire fè avèk Hugues Felix.

XS
SM
MD
LG