Accessibility links

Breaking News

Ayiti-Vyolans/Klarifikasyon Konsènan Sekirite Anbasad Amerikèn nan nan Pòtoprens


Anbasad amerikèn nan Pòtoprens, Ayiti.

Yon ajans nouvèl Ozetazini te pibliye yon depèch konsènan sekirite nan anbasad amerikèn nan nan Pòtoprens nan moman kesyon ap poze pou mande èske zak kraze-brize, piyay ak dechoukay ki te dewoule nan wikenn nan, sispann; èske sitiyasyon an pral amelyore oubyen èske li posib pou dezòd yo rekòmanse.

Pou Sèvis Kreyòl Lawadlamerik la verifye enfòmasyon an, nou te kontakte Depatman Deta a nan Washington dirèkteman. Men sa yon ofisyèl ameriken fè nou konnen:

* Nou pa diskite sou detay presi konsènan okenn kesyon ki gen rapò ak pwoteksyon anbasad nou yo, oubyen pwoteksyon manm pèsonèl enstalasyon diplomatik nou yo.

* Otorite lokal ki anchaj lalwa ak lapolis, plis responsab sekirite nan anbasad amerikèn nan, va pran dispozisyon ki nesesè pou yo pwoteje manm pèsonèl la avèk vizitè yo.

* Youn nan pi gwo priyorite nou se sekirite ak pwoteksyon sitwayen ameriken yo.

XS
SM
MD
LG